وحشتوني

بسم الله الرحمن الرحيم
السلام عليكم ورحمة الله وبركاته
إزيكم كلكم وزخباركم إيه وحشتوني جدا رغم إن عمرمدونتي صغير قوي بالنسبة لعمر المدونات بتاعتكم بس بصراحة مفتقدة فلة أوي وهي كمان كانت بتشجعني إني أكتب وكمان كان في عندي ضغط شغل بس بفتح البلوج أطمن عليكم وقفل علي طول
المهم تكونو بخير وكويسين
في حاجات نفسي تفيدوني فيها موضوع السرحان والشرود الذهني كتير بيحصلي وكمان النسيان بقيت أنسي كتير وإلي مضايقني بقي إني بسرح كتير وأنا في السيارة سمعت مرة إنه مرض نفسي أنا بعترف رني خيالية جدا وممكن ققعد أسرح مع نفسي وزتخيل مواقف ممكن تحصلي وأضيف عليها شغلات بدماغي ومواقف تانية محصلتش بس بقعد زتخيلها في ذاكرتي بس كله من خيالي تفتكروا دة إيه لما بيكون موضوع شاغلني بنسي كل شئ في حياتي لغاية ميتحل الموضوع كتير بيأثر عليا وعلي مزاجي وعلي شغلي وعلي حياتي كلها نفسي أفصل بين المشاكل وحياتي وأكون هادية جدا لما مشكلة تحصل وتاخد وقتها وتنتهي بس زنا مشكدة ومشعارفة أغير من نفسي
في موضوع تاني متزهقوش
بالنسبة لتربية الأطفال وبالذات الولاد إبني عمره 3 سنوات قررت إني وزوجي إننا منضربوش نهائي ونحاول نعاقبه بطرق تانية غير الضرب والألفاظ الوحشة علشان ميتعودش من صغره إنه يتهان حتي من ققرب الناس ليه وأعتقد بيكون الرأي دة كويس ويفيده معايا ولا في إعتراض .
المهم طبعا الولد كل مبيكبر كل ما إسلوب الشخط فيه والتحذير يعني والمسايسة معاه علشان ميعملش خطأ مبقاش ينفع معاه وبيعند ويصر علي أفعاله لا ولازم يعمل إلي في دماغه حتي إضطريت إني أشده من ودانه وأضربه علي إيده حسيت إنه مبيخافش مني ولا من بباه وبالذات من بباه رغم رنه أشد مني عليه زنا مبستحملش بس يعيط قدامي مشعارفة زعمل معاه إيه زعاقبه إزاي وأقومه إزاي ساعدوني

في بقي آخر موضوع برده خاص بإبني والنبي متزهقوش مني
هو مرتبط بيا قوي قوي ومع بباه بس مرتبط بيه ساعة ميكون خارج أو بيلعب معاه بس نفسي يكونو مرتبطين ببعض أكتر من كدة نفسي يصاحب بباه أكتر مني هو لسة صغير بس بيبان الولد حتي مبينمش إلا في حضني ولازم أكون جانبه مش بباه حتي لبسه لازم أنا ألبسه هدومه مشبباه بالرغم إنه بيعرض عليه إنه يساعدة وفي الزعل بقي لما بكون زعلانة منه يجي يصالحني علي طول بدون تفكير لكن مع بباه لا يمكن يعتذرله أو يصالحه ولازم بباه هو إلي يبتدي ويصالحه مشعارفة ليه مع إن زوجي كتير حنين عليه مشعايزاه يكبر ويبقي بعيد عن بباه كدة ونفسي قوي يكونوا قريبين من بعض أكتر مني

3ool

شكرا شكرا علي الكلام دة والنصايح الحلوة علول تشرفت بيك قوي وعند ك حق الإنسان مليان مشاكل من ساعة مبيتولد سبحان الله لقد خلقنا الإنسان في كبد ولازم فعلا نبص علي الجانب الحلو في حياتنا علشان لازم نعيش

مزاجي

شوفتوا مزاجي أهو أنا هفضل مكلدمة كدة هو لغاية محد فيكوا يعبرني
طبعا دة ليكوا كلكم إلا فلة حبيبتشي

أيام زمان

كتير بحن لأيام زمان مع رني معشتهاش ومشوفتهاش بس سمعتها من حكايات أمي وأبي عن زكرياتهم وأيامهم الحلوة كنت صغيرة وأنا وإخواتي نقعد نفتحهم بأي طريقة علشان يحكولنا عن الأيام دي وكنا بنبقي مبسوطين قوي ومنصتين تماما للحكايات ومتشوقين ليهاومعظم الأشخاص إلي بيحكوا عنها مكانوش موجودين ولا عيشنا معاهم بس عايزين نعرف عنهم حاجات كتير ونقولها إحكيلنا عن جدتي فلانة وجدي فلان وقعد أسرح مع نفسي (وقتها ياتري لما أتجوز ويكون عندي أطفال هحكيلهم إيه مفيش حاجة عندي مشوقة كدة أحكيهالم زي ميكون مشهيبقي عندي أيام زمان زحكيها علي كلام ماما كان الخير كتير والبركة موجودة في كل حاجة في الأكل واللبس وعشرة بين الناس ومحبتهم لبعض وسؤلهم علي بعض كانت الست ست بيت مش ست بيت وموظفة وشقيانة طول اليوم تخلص شغلها تروح تشتغل تاني في البيت طبعا أنا بقول برده الحمد لله على كل وقت بس الوتحد تعب قوي لسة في العشرينات من العمر وحاسة إني كبرت قوي إمال لما أكون في الأربعينات لو ربنا أراد هكونعاملة إزاي وإحساسي إيه كتير بحن أكون ست بيت وبس بس ست بيت من أيام زمن زي جدتي البيت إلهادي وسط الحقول الخضراء وفيه سطوح مربية فيه كل أنواع الطيور وورا البيت حديقة ضغيرة زارعة فيها كل أنواع الخضار من غير كيماوي وفيها منشر للغسيل يــــــــا وأغسل بقي وأنشر في الشمس ياسلام دة إيه العيشة دي وجوزي يروح الشغل من هنا وأبدأأزنا أنضف مملكتي وأزكل الطيور وأغسل وأنشر وأسقي الزرع وأعتني بيه وأكفي بيتي من كل شئ مشتريش حاجة من برا خالص وزكون مشغلة إذاعة الشرق اأوسط لغاية مجوزي يجي يلقيني هادية وزعصابي مستريحة مشأرجع من الشغل يدوبك أعمل الغداء بهدوم شغلي ويدوبك ناكل وننام من التعب وهكذا طول السبوع حتي يوم الجمعة باخده شغل من أول النهار بس بقي هنقول إيه ونعيد إيه الزمن دة مشعايز الواحدة تقعد تستريح في البيت لازم نقف جنب زجوازنا نساعدهم في الدنيا دي لازم إلي ربنا مديهم ماشي تقعد وإلي بقي جوزها لازم يتساعد يبقي لازم تيجي علي نفسها وتنزل تشاركه في مصاريف البيت ومن غير تفكير ونبقي بقي ربنا يعوضنا خير في الأخرة مشكدة برده

آل عايزين يتجوزوا

آل عايزين يتجوزوا والله لو رجع بيا الزمن لا كنت إتجوزت ولا قولت يا جواز كنت قعدت في حضن أبويا وأمي لغاية مموت مفيش زحلي ولا أجمل من الأيام إلي عشناها مع أبونا وأمنا كل حياتنا بعد الجواز تعب وشيل هم ومسئولية كنت قبل مرتبط بالرنسان إلي بحبه عايزة أعيش قصة حب وزنا في الكلية لغاية ماقبلت الرنسان إلي حبني وحبيته وعشنا صة حب جميلة رنتهت بالجواز والحمد لله ورحنا دلوقت مستقرين وبرده بنحب بعض وكل حاجة بس بحن كتير للعيشة مع زهلي وأفتكر حياتي وأيامي معاهم مشبقول كدة علشان زوجي وحش ولا حاجة والله هو حنين جدا وبيحبني بس هموم الدنيا والمشاكل دي هي إلي بتعكر علينا حياتنا وليا أختين لسة متجوزوش ساعات بقعد أحسدهم وقولوهم أنا لو منكو مفكرش أسيب بيت بابا أبدا مشعارفة حقيقي بصبرهم ولا دة رحساسي فعلا والكلام طالع من قلبي بس علي كل حال إلي متجوزوش ميزعلوش ويصبروا هو صحيح الجواز نص الدين وطبعا مفيش حد ميفكرش فيه وإال يكون مشطبيعي بقي ومحدش عاجبه حاله بس الحمد لله علي كل شئ وعلي الجواز ونفسي كل رنسان يحمد ربنا ويرضي باليقسمه ربنا ليه كل واحد بياخد نصيبه ورزقه ويا رب يهدي كل الززرواج لزوجاتهم ويبقوا رومانسيين حتي بعد ميتجوزا ويخلفوا وتاخدهم هموم الدنيا ويفضلوا يحبوا بعض علي طول مشعارفة جايز كلامي عبيط بس نفسي تشاركوني ونفسي أتجرأ وأفضفضمعاكو زكتر لإن يأوزل مرة أكتب

بقول إيه

أولا فلة بطوطي كيفك زنا الحمد لله يعني يركزت شوية وإبتديت زعرف كيف زتعامل مع المدونة والتكنولوجيا دي المهم يا ستي الفضل ليكي يا قمر بس بردة مشملاحظة رن مفيش حد سائل فيا غيرك هما الناس جرالهم إيه

ماما

كل سنة وإنت طيبة ياأمي وكل سنة وكل الأمهات في العالم طيبين وبخيربصراحةأزنا مشعارفة أكتب أي شئ غير بحبك يا ماما قوي ويا رب يخليكي لينا ريباركلنا فيكي
علي فكرة دي زول مرة زكتب من الموقع دة ونفسي أكتب فيه علي طول وفي أسإلة كتير جوايا نفسي أطلعها وأفضفض معاكوا بقالي كتير مفضفضتش لحد